Loading...
Ethiopian This Week

በኢትዮጵያ አልፎ አልፎ የሚታዩ ግጭቶች ከህግ ተጠያቂነት ለማምለጥ በሚፈልጉና በሙስና በተዘፈቁ ፖለቲከኞች የሚፈጠሩ ናቸው::

October 22, 2017 6:49 pm Published by
facebooktwittergoogle_plusmail

አዲስ አበባ ጥቅምት12/2010 በኢትዮጵያ አልፎ አልፎ የሚታዩ ግጭቶች ከህግ ተጠያቂነት ለማምለጥ በሚፈልጉ በሙስና በተዘፈቁ ፖለቲከኞችና ኪራይ ሰብሳቢዎች ቀስቃሽነት የሚፈጠሩ መሆናቸውን ምሁራን ገለጹ።

አስተያየታቸውን የሰጡት የህግ፣ የፀጥታና ደህንነት ምሁራን እንደተናገሩት፤ በአሁኑ ወቅት በአንዳንድ አካባቢዎች የሚስተዋሉ ግጭቶች ሙሰኞችና ኪራይ ሰብሳቢዎች በማህበረሰቡ ውስጥ ለመደበቅ የሚፈጥሯቸው ናቸው።

በሙስና እና ኪራይ ሰብሳቢነት የተዘፈቁ ፖለቲከኞችና ተባባሪዎቻቸው ከህግ ተጠያቂነት ለማምለጥና ስልጣናቸውን ለማስጠበቅ ወደ  ማህበረሰቡ በመዝለቅ ግጭቶችን እንደሚቀሰቅሱ ነው የገለጹት።

በወላይታ ሶዶ ዩኒቨርሲቲ የህግ መምህር አወል አለማየሁ እንደገለፁት፤ በማህበረሰቡ ያለውን የግንዛቤ ክፍተት በመጠቀም “ሆን ተብሎ” የግል አጀንዳዎችን ለማሳካትና ቀደም ብለው ከተሰሩ ወንጀሎች ለማምለጥ የሚፈጠሩ ሴራዎች ናቸው። እነዚህ ደግሞ ማህበረሰቡን የሚጎዱ እንደሆኑ ተናግረዋል።

ይሄን ችግር ለመፍታት መንግስት “ህገ-መንግስታዊ ስርዓቱን በማስከበር ረገድ ያሉትን ክፍተቶች መድፈን አለበት” ነው ያሉት።

በአዲስ አበባ ዩኒቨርስቲ  የፀጥታና ደህንነት መምህሩ ዶክተር መሐሪ ታደለ ይህን ሀሳብ ይጋሩታል።

እርሳቸው አስተያየት፤ በተለያዩ አካባቢዎች አልፎ አልፎ የሚታዩ ግጭቶች ከህግ ተጠያቂነት ለማምለጥ በሚፈልጉ በሙስና የተዘፈቁ ፖለቲከኞችና ኪራይ ሰብሳቢዎች ቀስቃሽነት የሚፈጠሩ ናቸው።

የፌዴራል ስርዓቱ በኢትዮጵያ የነበሩ የእርስ በርስ ግጭቶችን በዘላቂነት የፈታ መሆኑን አስታውሰው፤ በሙስና የተዘፈቁ ፖለቲከኞችና ኪራይ ሰብሳቢዎች ከህግ ተጠያቂነት ለማምለጥ የፌዴራል ስርዓቱን እንደመደበቂያ እየተጠቀሙበት መሆኑን ነው የተናገሩት።

በአሁኑ ወቅትሙሰኛው ንፁሃንን የሚያሳድድበት ሁኔታ ተፈጥሯል” ያሉት ዶክተር መሐሪ፤ በሙስና የተዘፈቁ ፖለቲከኞችና ኪራይ ሰብሳቢዎች ከተጠያቂነት ለማምለጥና ስልጣናቸውን ለማስጠበቅ ወደ ማህበረሰቡ ወርደው “ግጭቶችን የማነሳሳት ሥራ ይሰራሉ” ነው ያሉት።

ግጭቶቹ የፌዴራሊዝምን ድንጋጌዎች በብስለት ካለመፈፀምና “ለፖለቲካዊ ጥቅም ተብሎ ከመሸራረፍ የሚመነጩ ናቸው” የሚሉት ዶክተር መሐሪ፤ ችግሩን ለመፍታት ዴሞክራሲያዊ ተጠያቂነትና የፀረ ሙስና ትግሉን አጠናክሮ ማስቀጠል እንደሚያስፈልግ ነው የተናገሩት።

የጎንደር ዩኒቨርሲቲ የህግ ረዳት ፕሮፌሰር ወንድወሰን ዋኬኔ በበኩላቸው፤ የኢትዮጵያ ህገ መንግስት ዘመናዊና በቀጣይ ሊነሱ የሚችሉ ጥያቄዎችን ጭምር ለመመለስ የሚያስችል አቅም ያለው ነው።

ይሁን እንጂ ህገ መንግስቱን ተከትሎ የተዘረጋው “የፌዴራሊዝም ዴሞክራሲያዊ ስርዓት የሰጠው መብት አጠቃቀሙ ላይ ችግሮች እየታዩ ናቸው” ብለዋል።

አምባሳደር ካሣ ተክለብርሃን በቅርቡ በፌዴሬሽን ምክር ቤት ተዘጋጅቶ በነበረው አውደ ጥናት ላይ እንደተናገሩት፤ ወደ ዘር የሚያመሩ ግጭቶች የሚፈጠሩት በህዝቡ ሳይሆን ለጥቅማቸው በሚንቀሳቀሱ ልሂቃንና ፖለቲከኞች በሚመነጭ ችግር ነው።

ይሄ የፌዴራል ስርዓቱን አደገኛ በሆነ መንገድ ስለሚጎዳው ሁሉም ዜጋ ሊታገለው የሚገባ መሆኑን አጽንኦት ሰጥተውታል።

በአሁኑ ወቅት የሚታዩትን የጥላቻ ቅስቀሳዎች ለማስቆም የመፍትሔ አማራጩ ህገ መንግስታዊ ስርዓቱን ማስከበር መሆኑን ምሁራኑ በአስተያየታቸው ጠቁመዋል።  Source  ( ENA)

facebooktwittergoogle_plusmail
Tags:

Categorised in:

This post was written by ETW

Leave a Reply